Bra Kast! – Geitungen

Eit ungt uttrykk i rytmisk fengande arrangement.

Gruppa Geitungen presenterer musikk frå sine heimtrakter. Dei speler slåttar frå Bjerkreim, Suldal, Jelsa og til og med frå Karmøy, presentert i eit originalt uttrykk i rytmisk fengande arrangement. Samtidig får ein ei sterk oppleving av den særeigne rogalandstradisjonen.

Dette er den andre av tre utgjevingar frå den banebrytande trioen frå Rogaland. Deira evne til å være tru mot dei tradisjonelle slåttane på same tid som dei er ytterst originale har gjort at slåttar fra denne plata er nærmast å rekne som klassikarar – og svært sannynleg å møte på på folkemusikkjam.

På BRA KAST får ein høyre vals, reinlendar, hopsar (den lokale polka’en), halling og springar; som er dei vanlegaste slåttetypane i Rogaland. Her fins óg innslag av eit bruraslag, og nokre sjølvkomponerte slåttar. Vegar Vårdal er produsent og dukker óg opp som ein særdeles frisk gjesteartist.