Sigrid Moldestad – Sandkorn – Sigrid Moldestad

Heidrar kjærleiken

Plateinnspelinga starta Jonsoknatt 2009. Det meste du høyrer er spelt inn live av rause musikarar som har strødd sitt musikalske overskot utover låtane. Det er trøorgel, slidegitar, hardingfeler, gitar, rhodespiano, saz, kontrabass, el.gitarar, mandolin og bratsj. Vi har opplevd vestlandsk vinterpoesi, stjerneklår hausthimmel og sprakande jonsokbål i løpet av innspelingane i Sporlyd Studio, Vaksdal. Vi har laga ei sessionplate med knirk av trøorgel og sus frå toga som passerar like ved.

Sandkorn ei plate som heidrar kjærleiken, både den som gjekk fint og den du måtte forlate. Eg er ikkje så oppteken av genre, men håpar den djupe vestlandske fjorden og dei høge fjella kling i musikken. At den musikalske leiken mellom musikarar kan kjennast og dei blodraude historiene treffe hjartet.