Seven Winds i alle retningar! Spennande tonesetjing av Olav H. Hauge.
Bestillingsverk
De i tre anerkjente musikarane vart i 2008 spurt av Dei Nynorske Festspela om å lage eit bestillingsverk basert på tekstar av Olav H. Hauge. Det resulterte i tonesetjing av fleire av dikta hans, der dei vert framheva i alt frå funk, ballade, vise, jazz, folk, ny musikk; rett og slett det som Seven Winds føler passar dei forskjellige dikta best. Musikken er eit resultat av dei tre ulike musikarane sine ulike musikalske ståstadar, evna deira til å ta opp i seg nye uttrykk, intens turnèverksemd og deira ynskje om å få låtane og plata til å vere så tru mot Hauge sine dikt, sett frå Seven Winds sin ståstad, som overhodet mogleg.
Internasjonal Hauge
Sidan juni 2008 har Seven Winds heldt meir enn 40 konsertar i alt frå klubbar til konserthus, slum og palass, universitet og skuler i India, Tanzania, Kina, Korea, Nepal, Sri Lanka og Norge. Dei har samarbeidd med musikarar og diktarar frå m.a. Zanzibar, Beijing, Seoul, Kunming, Kathmandu, Colombo, Shanghai, Hanzhou, Xi’an, Lanzhou, Bhopal og Delhi, og framført tekstane til Hauge på nynorsk, kinesisk, fransk, fulani, hindi, swahili og koreansk. Coveret speglar dette ved at du finn eit utval av Hauge sine tekstar oversatt til 16 ulike språk.
