Lajla seier om arbeidet med den nye plata; ” Nedteikningane etter Olav er som prydsaum for augo, og dette er ein skatt eg ynskjer å setje fram i ljoset. Ved å studere materiale frå desse samlingane, har eg fått sett meg meir inn i den eldre delen av folkesong og prøva å få den i samanheng med den enormt spanande og bortgøymde mellomalderhisoria, som ligg løynd i fjordlandskapet. Då me spela inn plata i den mellomalderske Lagmannstova i Hardanger, fekk eg ei heilt klar kjensle på at musikken var komen heim. Dette materialet har nok levd eit liv der saman med adelen, riddaren, munkane og bonden i fjorden.”
Folkemusikkinnsamlarane
Riddargarden og Lagmannstova på Aga i Hardanger viser at mellomalderen var ei tid for vekst i fjorden. Bygningar og gjenstandar etter dette finnest fortsatt, og er noko av den eldste dokumentasjonen me har frå denne tida i Noreg. Det er ganske sikkert at balladane vart bruka i Hardanger, men kvar vart dei av?
Folkemusikkinnsamlarane Ludvig Mathias Lindemann og Jørgen Moe var berre nokre få innsamlingsturar til Hardanger, og ein finn lite vokal- materiale frå fjorden i samlingane deira.Olav Sande var lærar i Hardanger nokre år, og fekk med seg eit større knippe songar frå både Hardanger og Voss. Olav skreiv ned omlag 2000 songar frå Vestlandet og Sør-Noreg, og mesteparten av dei er lite kjende. Desse samlingane er å finne på Nasjonalbiblioteket.
Vers fra balladearkivet
Då Lajla Renate byrja å jobbe med dette historiske materialet, såg ho at det ikkje var skrive ned meir enn nokre frå vers. Difor måtte ho leite seg fram etter den manglande teksten ved å hente ut vers frå liknande balladar som låg i balladearkivet.
Etter mykje arbeid og råd frå Kirsten Bråten Berg, sit ho att med eit repertoar på mellomalderballadar frå Hardanger og Voss som ingen brukar! Dette har vorte til cd-en «Møya som drøymde!»
Hardingfeleslåttar vekt til live i ei ny og fri drakt
Saman med John Ole Morken har ho også teke fram lite bruka hardingfeleslåttar frå samlingane etter Arne Bjørndal. I samarbeid med den kjende hardingfelespelaren Knut Hamre, har desse slåttane vorte vekt til live i ei ny og fri drakt! Dette er små perler, som framtrer som små dikt imellom dei store balladetekstane.
