Evelina Petrova Trio
Denne Oslo-baserte trioen møttest då dei studerte ved Norges Musikkhøgskole. Dette unike samarbeidet mellom tre kunstnarar frå jazz-, folkemusikk- og musikkteknologi-avdelinga var å sjå på som eit laboratorium: alt var lov, alle kombinasjonar skulle prøvast ut, og frå første øving var trioen sikker på at dei var inne på sporet av noko unikt. Medlemmene av trioen bur i Noreg. Ved siden av dette prosjektet er alle tre aktive freelancemusikarar.
Evelina Petrova (f.1974) fra Russland spelte tidlegare mykje med Misha Alperin, ho har tidligere opptrådd med Jethro Tull og i 1999 fekk ho utmerkinga «Star of the Year» i Russland i 1999. Ho har ein bachelorgrad i klassisk trekkspel og ein mastergrad i jazz/improvisasjon. Den russiske folkemusikken har alltid vore nær hjartet til Evelina.
Laura Ellestad (f.1982) flytta frå Canada til Noreg for snart ti år sida på jakt etter å lære meir om norsk folkemusikk på hardingfele. Dette har resultert i mellom anna nominasjon til Spellemannsprisen i kategorien folkemusikk i 2014 for soloplata "Valdresspel i Amerika", og ei pågåande doktorgrad som stipendiat ved Norges Musikkhøgskole, med fokus på utvandringa av norsk folkemusikk til Amerika. Laura Ellestad jobbar som nestleiar ved Folkemusikkinstituttet på Rauland.
Andreas Rotevatn (f.1989) har erfaring frå fleire prosjekt, med stor sjangermessig bredde. Mellom anna spelar han med tradjazz-bandet Ytre Suløens Jass-Ensemble, med hip-hop artisten Cezinando og i komponistorkesteret OJKOS. Rotevatn er utdanna jazztrombonist fra Griegakademiet og har i tillegg en mastergrad i utøvande musikkteknologi frå NMH.
